წესები და პირობები
საკონტაქტო ინფორმაცია
- შპს ნანოტეკი
- ს/ნ 404504791
- მისამართი: ქ. თბილისი, წერეთლის 116
- ტელეფონის ნომერი: 033 2 100 300
- ელ ფოსტა: info@imart.ge
პლატფორმის გამოყენების წესები და პირობები
წინამდებარე დოკუმენტი ადგენს პლატფორმის გამოყენების წესებსა და პირობებს და პლატფორმის მომხმარებლის უფლებებს. ამასთანავე, მომხმარებლის მიერ შეკვეთის განთავსების შემთხვევაში, იგი წარმოადგენს ხელშეკრულებას მომხმარებელსა და აიმარტს შორის
ძირითადი ტერმინების განმარტება
წინამდებარე დოკუმენტში მოცემულ ტერმინებს აქვთ შემდეგი მნიშვნელობა:
- პლატფორმა - ელექტრონული ვაჭრობის პლატფორმა ვებ-საიტი www.imart.ge
- მოვაჭრე - საქონლის გამყიდველი პირი, "მომხმარებლის უფლებების დაცვის შესახებ" საქართველოს კანონის შესაბამისად. მოვაჭრის შესახებ დეტალური ინფორმაცია (იურდიული პირის დასახელება, მისამართი, ტელეფონის ნომერი და ელ.ფოსტის მისამართი) მოცემული საქონლის დეტალურ გვერდზე აღწერ
- საქონელი - პლატფორმის საშუალებით შემოთავაზებული პროდუქცია.
- შუამავალი - შუამავლი მომსახურების მიმწოდებელი პირი "ელექტრონული კომერციის შესახებ" საქართველოს კანონის შესაბამისად
- მომხმარებელი - ნებისმიერი პირი, რომელიც სარგებლობს წინამდებარე პლატფორმით, მათ შორის პლატფორმის ვიზიტორები, ფიზიკური პირები რომლებიც ანთავსებენ შეკვეთას და მომსახურების მიმღებნი..
- აიმარტი - პლატფორმის მესაკუთრე და კანონიერი განმკარგავი შპს ნანოტეკი ს/კ 404504791
შესავალი
- აიმარტი პლატფორმის საშუალებით მოვაჭრეებს აძლევს საშუალებას შესთავაზონ და გაყიდონ სხვადასხვა სახის საქონელი, ხოლო მომხმარებლებს - შეიძინონ საქონელი საქართველოს მასშტაბით.
- ძირითად შემთხვევაში, აიმარტი არის მოვაჭრე, რის შესახებაც მითითებული არის კონკრეტული გასაყიდი საქონლის აღწერილობაში. ზოგიერთ შემთხვევეში აიმარტი არის შუამავლი.
- იმ შემთხვევაში, როდესაც აიმარტი არ წარმოადგენს მოვაჭრეს და არის შუამავალი, კონკრეტული გასაყიდი საქონლის აღწერაში მითითებული იქნება მოვაჭრის სახელწოდების, საიდენტიფიკაციო კოდის, მისამართის, ელექტრონული ფოსტის, ტელეფონის ნომრების და მოვაჭრის მიერ შემუშავებული სხვა დამატებითი პირობების შესახებ ინფორმაცია (არსებობის შემთხვევაში), რომელთა მეშვეობითაც მომხმარებელს შეეძლება მოვაჭრესთან სწრაფი და ეფექტიანი კომუნიკაცია.
- იმ შემთხვევაში, როდესაც აიმარტი არის შუამავალი, იგი პასუხისმგებელია როგორც კურიერის მიერ საქონლის ტრანსპორტირებისას გამოწვეულ ზიანზე (საქონლის დაკარგვა ან დაზიანება) ასევე პლატფორმის გაუმართაობით გამოწვეულ ზიანზე, რამაც გამოიწვია „მომხმარებლის უფლებების დაცვის შესახებ“ და „ელექტრონული კომერციის შესახებ“ საქართველოს კანონებით გათვალისწინებული მომხმარებლის/მომსახურების მიმღების უფლებ(ებ)ის დარღვევა.
მომხმარებლის ანგარიში
- აიმარტის პლატფორმის მომსახურებით სრულყოფილად სარგებლობისთვის უმჯობესია ანგარიშის (პროფილი) შექმნა. ანგარიშის გასახსნელად მომხმარებელი უნდა მიჰყვეს პლატფორმაზე განთავსებულ ინსტრუქციას: მიუთითოს მოთხოვნილი ინფორმაცია და საჭიროებისამებრ, გაიაროს ვერიფიკაცია. გამარტივებული შესყიდვების წარმოებისთვის, პლატფორმა გაძლევთ საშუალებას გააფორმოთ შეკვეთები ანგარიშის შექმნის გარეშეც!
- ანგარიშის შექმნამდე მომხმარებელი უნდა დარწმუნდეს, რომ აღნიშნულით არ ირღვევა საქართველოს კანონმდებლობა და მესამე პირთა უფლებები.
- ანგარიშის შექმნის დროს მითითებული მონაცემების სიზუსტეზე სრული პასუხისმგებლობა ეკისრება მომხმარებელს.
- პლატფორმაზე ზოგიერთი პროდუქტის შეძენა დასაშვებია მხოლოდ სრულწლოვანი პირების მიერ. შესაბამისად, ზოგიერთი შეკვეთის განსათავსებლად შესაძლოა საჭირო იყოს მშობლის ან მეურვის ჩართულობა, თუ მომხმარებელი არის არასრულწლოვანი.
- აიმარტი იტოვებს უფლებას დამატებით მოთხოვოს მომხმარებელს პლატფორმაზე მითითებული მონაცემების სიზუსტის დადასტურება. მომხმარებლის მონაცემები დამუშავდება აიმარტის კონფიდენციალურობის პოლიტიკისა და კანონმდებლობის შესაბამისად.
- აიმარტზე მომხამრებლებს შესაძლებლობა აქვს გაიარონ რეგისტრაცია და შექმნან ანგარიში Google-ს ან Facebook-ის გამოყენებით. ასეთ შემთხვევაში მომხმარებელი დამატებით უნდა დაეთანხმოს Google-სა და Facebook-ის მიერ მითითებულ წესებსა და პირობებს, რომლის დაცვაზეც პასუხისმგებლობა ეკისრება მომხმარებელს.
- ანგარიშის დეტალების უსაფრთხო შენახვაზე პასუხისმგებლობა ეკისრება მომხმარებელს. იმ შემთხვევაში თუ მომხმარებელს აქვს ეჭვი, რომ მესამე პირს აქვს მისი ანგარიშის დეტალები, მომხმარებელი ვალდებულია დაუყონებლივ შეცვალეს იგი ან დაუკავშირდეს აიმარტს.
- მომხმარებლის მიერ საქართველოს კანონმდებლობის ან წინამდებარე დოკუმენტის უხეშად დარღვევის შემთხვევაში აიმარტი უფლებას იტოვებს გააუქმოს მომხმარებლის ანგარიში და უარი თქვას მომსახურების გაწევაზე
შეკვეთა
- აიმარტზე შეკვეთის განთავსება შეუძლიათ როგორც რეგისტრირებულ, ასევე სტუმრის სტატუსის მქონე მომხამრებლებს ანგარიშის შექმნის გარეშე. შეკვეთის გასაკეთებლად მომხმარებელი უნდა მიჰყვეს პლატფორმის ინსტრუქციას, შეკვეთა გააქტიურებულად ითვლება მხოლოდ აიმარტის ოპერატორის მიერ სატელეფონო ზარით დადასტურების შემდეგ,შესაბამისად მიწოდების ვადების ათვლა დაიწყება აიმარტის ოპერატორის მიერ დადასტურების შემდეგ!
- შეკვეთის საბოლოოდ განთავსებამდე მომხმარებელს შესაძლებლობა აქვს დააიდენტიფიციროს შეკვეთის განთავსებისას დაშვებული შეცდომა (არსებობის შემთხვევაში) და გამოასწოროს იგი.
- მომხმარებლის მიერ შეკვეთის ელექტრონული ფორმით განთავსებისას, მოვაჭრე შეკვეთის მიღებას დაუყოვნებლივ დაადასტურებს ასევე ელექტრონული საშუალებით, კერძოდ პლატფორმის საშუალებით ხორციელდება მომხმარებლის ინფორმირება, რომ შეკვეთა განთავსებულია. შეკვეთის მიღების შემდეგ, აიმარტი ახორციელებს მის დამუშავებას. იმის გათვალისწინებით, რომ პლატფორმაზე განთავსებული საქონელი იშვიათ შემთხვევებში შესაძლოა მოვაჭრეს არ ჰქონდეს მარაგში, მოვაჭრე უფლებას იტოვებს გააუქმოს მომხმარებლის შეკვეთა მისი განთავსებიდან 2 (ორი) სამუშაო დღის ვადაში, რის თაობაზეც დაუყონებლივ ეცნობება მომხმარებელს.
- აიმარტი უფლებას იტოვებს გააუქმოს შეკვეთა, როცა არსებობს შეკვეთის გაუქმების ობიექტური საფუძველი, მაგალითად თაღლითური შემთხვევა, პროგრამული, ტექნიკური, საოპერაციო ხარვეზები და სხვა.
- 300-ლარს ზემოთ ღირებულების შეკვეთა აქტიურდება საგარანტიო თანხის ჩარიცხვით, შესაბამისად "კურიერთან გადახდა" მეთოდის არჩევისას, თუ შეკვეთის ღირებულება აღემატება 300 ლარს, საგარანტიო თანხის გადმორიცხვის გარეშე შეკვეთა არ გააქტიურდება, მომხმარებელს რეკვიზიტებსა და ინსტრუქციას აწვდის აიმარტის ოპერატორი შეკვეთის დადასტურებამდე
გადახდის მეთოდები
აიმარტზე შეკვეთის ღირებულების გადახდა შესაძლებელია რამდენიმე გზით:
- საქართველოს და უცხოურ ტერიტორიაზე მოქმედი ბანკების ბარათით გადახდა.
- ანგარიშსწორებით კურიერთან.
- უნაღდო ანგარიშსწორება (ინვოისის საფუძველზე)
- Plus და ერთგული ქულებით.
- საბანკო განვადებით, მომხმარებელსა და პარტნიორ ბანკს შორის ურთიერთობა რეგულირდება ბანკთან გაფორმებული ხელშეკრულებით.
- ბალანსით - შეკვეთის ღირებულების დაფარვა შეგიძლიათ აიმარტის ბალანსით.
- ბალანსის შევსება ხორციელდება აიმარტის მიერ (როცა მომხმარებელს ერთგულებისთვის ან სხვა მიზეზით ერიცხება დამატებითი სარგებელი) ან თავად მომხმარებლის მიერ. ბალანსზე განთავსებული თანხის გამოყენება მომხმარებელს შეუძლია მხოლოდ შეკვეთის ღირებულების დასაფარად.
- ანგარიშის გაუქმების შემთხვევაში, ავტომატურად ნულდება მომხმარებლის ბალანსი. შესაბამისად, იმ შემთხვევაში თუ მომხმარებელი გადაწყვეტს ანგარიშის გაუქმებას, აღნიშნული მოთხოვნის წარმოდგენამდე რეკომენდირებულია ბალანსის სრულად განულება.
შეკვეთის მიღება
- აიმარტი სარგებლობს როგორც საკუთარი, ასევე გარე საკურიერო მომსახურებით, იმისთვის რომ დროულად მიაწოდოს მომხმარებელს შეკვეთა
- ტრანსპორტირების დროს ნივთის დაზიანებაზე პასუხისმგებლობა ეკისრება აიმარტს.
- შიდა პოლიტიკიდან გამომდინარე, მომხმარებელს არ აქვს შესაძლებლობა თავად წაიღოს შეკვეთა, გარდა იმ შემთხვევისა თუ აღნიშნული შეთანხმებულია აიმარტთან.
- თბილისში შეკვეთის ჩაბარება ხორციელდება 1-დან 3 სამუშაო დღის ვადაში. რეგიონებში კი 2-დან 5 სამუშაო დღის ვადაში. მომხმარებელს აქვს შესაძლებლობა შეკვეთის განთავსებდამდე თავად განსაზღვროს შეკვეთის მიღების თარიღი და დროის შუალედი, როცა ჩაიბარებს შეკვეთას.
- იშვიათ შემთხვევაში აიმარტს შეიძლება დასჭირდეს იმაზე მეტი დრო (მაგრამ არაუმეტეს 15 კალენდარული დღისა) შეკვეთის ჩასაბარებლად, ვიდრე ეს განსაზღვრულია წინამდებარე წესებით და პირობებით, რის შესახებაც საქონლის შეძენამდე, წინასწარ ეცნობება მომხმარებელს.
- შეკვეთის ჩაბარების დროს, მომხმარებელმა უნდა დაათვალიეროს შეფუთვა და კურიერს მოუწეროს ხელი მიღება-ჩაბარების აქტზე, რითაც დასტურდება, რომ ნივთი ჩაიბარა ვიზუალურად უნაკლო მდგომარეობაში
- იმ შემთხვევაში თუ საქონელს აქვს ვიზუალური ნაკლი, მომხმარებელმა იგი არ უნდა ჩაიბაროს და დაუყონებლივ დაუკავშირდეს აიმარტს მითითებულ ნომერზე: 032 2 100 300
- შეკვეთის ჩაბარებამდე (მისამართზე მოტანამდე ან მოტანის პროცესის დაწყებამდე) მომხმარებელი უფლებამოსილია უარი თქვას შეკვეთაზე, რისთვისაც მომხმარებელი უნდა დაუკავშირდეს აიმარტს მითითებულ ნომერზე: 032 2 100 300, გაითვალისწინეთ დამუშავების სტადიაში მყოფი შეკვეთის გაუქმების შემთხევავაში მომხამრებელს ეკისრება ტრანსპორტირებისა და აიმარტის შიდა საოპერაციო მომსახურების ხარჯის ანაზღაურების ვალდებულება!
კანონისმიერი გარანტია
- კანონისმიერი გარანტიის პირობები ვრცელდება მხოლოდ იმ მომხმარებლებზე, რომლებიც არიან ფიზიკური პირები.
- თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
- საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
- საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
- საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
- მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
- საქონლის შეკეთება ან შეცვლა შეუძლებელია;
- მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
- გამყიდველის მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
- მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
- მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
- იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული იქნება შემდეგი პირობები:
- საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
- საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
- საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.
- მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.
- თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება
მომსახურებასთან დაკავშირებული გარანტიები
- აიმარტი იღებს ვალდებულებას, რომ გაუწევს მომსახურებას მომხმარებელს საქართველოს კანონმდებლობის შესაბამისად. მომსახურებაში იგულისხმება ნებისმიერი მომსახურება, რომელსაც აიმარტი უწევს მომხმარებელს, მათ შორის საკურიერო მომსახურება და საშუამავლო მომსახურება (შემთხვევები, როცა აიმარტი არ არის მოვაჭრე და იგი არის შუამავლი მოვაჭრესა და მომხმარებელს შორის).
- იმ შემთხვევაში თუ გაწეული მომსახურეობა არის ნაკლიანი ან გადაცილებულია ვადა, მომხმარებელმა უნდა განუსაზღვროს აიმარტს მომსახურების გაწევის/ნაკლის აღმოფხვრის გონივრული დამატებითი ვადა, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს, როგორც ეს გათვალისწინებულია კანონმდებლობით.
- დამატებითი ვადის უშედეგოდ გასვლის შემთხვევაში მომხმარებელს უფლება აქვს:
- მოვაჭრის ხარჯით მომსახურების გაწევა ან ნაკლის აღმოფხვრა სხვა პირს შესთავაზოს.
- მოითხოვოს მომსახურების ფასის ადეკვატური შემცირება.
- უარი თქვას ხელშეკრულებაზე და მოითხოვოს ზიანის ანაზღაურება საქართველოს კანონმდებლობით დადგენილი წესით.
- დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება მომსახურების დროულად მიღებას დაუკავშირა.
- თუ მოვაჭრემ დროულად არ დაიწყო მომსახურების გაწევა ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, მოვაჭრეს არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე გაწეული მომსახურების საზღაური, თუ მომხმარებელმა ხელშეკრულების ნაწილობრივი შესრულებისადმი ინტერესი დაკარგა.
კომერციული გარანტია
- კონკრეტულ საქონელს კანონისმიერ გარანტიასთან ერთად შეიძლება გააჩნდეს კომერციული გარანტია, რომლის ვადა მითითებული იქნება კონკრეტული პროდუქტის აღწერილობაში.
- კომერციული გარანტია არ ზღუდავს კანონისმიერი გარანტიის პირობებს.
საქონლის დაბრუნების პოლიტიკა
- „მომხმარებლის უფლებების დაცვის შესახებ“ საქართველოს კანონის მე-13 მუხლის თანახმად, მომხმარებელს უფლება აქვს, ყოველგვარი საფუძვლის მითითების გარეშე თქვას უარი ხელშეკრულებაზე და უკან დააბრუნოს საქონელი 14 კალენდარული დღის განმავლობაში, რომელიც აითვლება საქონლის მიღებიდან.
- აღნიშნული მოთხოვნის სარგებლობისთვის მომხმარებელი ვალდებულია წერილობით მოიწეროს შემდეგი დეტალები მეილზე: info@imart.ge
- სახელი
- გვარი
- ტელეფონის ნომერი
- მეილი
- რეგიონი/ქალაქი
- ზუსტი მისამართი
- შეკვეთის ნომერი (ID)
- შეძენის თარიღი
- პროდუქტის ჩაბარების თარიღი
- დაბრუნების მიზეზი
- მეილზე მიბმული ფაილის სახით: პროდუქტის სურათები (თუ ყუთი გახსნილია) და ყუთის ვიზუალური მდგომარეობა 2 სხვადასხვა რაკურსის სურათის სახით
- მეილზე მოწერის შემდეგ, საკითხი გადამისამართდება "პროდუქტების მართვის გუნდთან" და მომხმარებელს დაუბრუნდება პასუხი უკან დაბრუნების დამატებითი ინსტრუქციების შესახებ (მისამართი, საკონტაქტო პირის ტელეფონის ნომერი, დამატებითი გარემოებები და ა.შ)
- საქონლის დაბრუნების შემთხვევაში მომხმარებელი ვალდებულია:
- მოვაჭრეს ან მის მიერ განსაზღვრულ მესამე პირს დაუბრუნოს საქონელი ნივთის დაბრუნების შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა.
- თავად გასწიოს საქონლის დაბრუნებასთან დაკავშირებული პირდაპირი (უშუალო) ხარჯი.
- ნივთის ტრანსპორტირება უნდა განხორციელდეს შემდეგ მისამართზე: ქ. თბილისი, წერეთლის 116.
- იმ შემთხვევაში, თუ საქონლის მახასიათებლები არ შეესაბამება პლატფორმაზე მითითებულ მონაცემებს, საქონელს გააჩნია თავდაპირველი ნაკლი ან დაზიანებულია, საქონლის უკან დაბრუნებას უზრუნველყოფს მოვაჭრე თავისი რესურსით.
- მომხმარებელი ვალდებულია სრულად დააბრუნოს საქონელი ყველა თანდართულ დოკუმენტთან ერთად.
- მოვაჭრე ვალდებულია საქონლის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.
- თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.
- მომხმარებლის მიერ საქონელზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
მომხმარებელს არ აქვს უფლება, უარი თქვას ხელშეკრულებაზე და უპირობოდ დააბრუნოს პროდუქტი:
- მიწოდებული საქონლის ფასი დამოკიდებულია ფინანსურ ბაზარზე არსებულ ცვლილებაზე, რომელსაც მოვაჭრე ვერ აკონტროლებს და რომელიც წარმოიშვა წინამდებარე დოკუმენტით დადგენილ ვადაში.
- საქონელი მომხმარებლის ინდივიდუალური შეკვეთით არის დამზადებული/შესრულებული.
- მიწოდებული საქონელი მალფუჭებადია ან მას მოკლე ვარგისობის ვადა აქვს.
- მომხმარებელს მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო.
- მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს.
- დალუქული აუდიო ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა.
- ჟურნალ-გაზეთები ან სხვა სახის პერიოდული გამოცემა.
- მომხმარებელმა საჯარო აუქციონის შედეგად შეიძინა პროდუქტი.
- მომხმარებელს ციფრული შინაარსი მიეწოდა არამყარი მატარებლით და ხელშეკრულების შესრულება მომხმარებლის წინასწარი თანხმობით დაიწყო.
- 30 ლარამდე ღირებულების საქონელი.
- არ ბრუნდება პროდუქცია, თუ კომპლექტაცია არ არის წარმოდგენილი სრულად (ყუთი, ინსტრუქცია, პერიფერიული ნაწილები (ასეთის არსებობის შემთხევავაში), დამატებითი აქსესუარები და სხვა)
- არ ბრუნდება გამოყენებული პროდუქცია, თუ კომპანიას არ აქვს იმის შესაძლობლობა, რომ საკუთარი სახსრებითა ნივთი მოიყვანოს ხელახლა გასაყიდ კონდიციაში
- კანონის შესაბამისად, თუ ნივთის ან მის თანმხბლებ ნაწილებს აღენიშნება რაიმე სახის ცვლილება (არ იგულისხმება სტანდარტულ პირობებში ყუთის გახსნა, რათა დათვალიერდეს პროდუქტი) კომპანია იტოვებს უფლებას ეჭვქვეშ დააყენოს მისი ნამდვილობა და შესაბამისად უკან დაგიბრუნოთ თქვენს მიერ გადახდილი თანხის ნაწილი, ნივთის მდგომარეობის შესაბამისად.
ინტელექტუალური საკუთრების უფლება
- მომხმარებელმა არ უნდა განახორციელოს ისეთი ქმედება, რაც ხელყოფს პლატოფრმის ან ნებისმიერი მესამე მხარის მფლობელობაში არსებული ინტელექტუალური საკუთრების უფლებებს. პლატფორმის კონტენტის ნებისმიერი რეპროდუქცია, განცხადება, გავრცელება ან ხელახლა გავრცელება, სრულად ან ნაწილობრივ, ნებისმიერი საშუალებით (მათ შორის, ქეშირება, შექმნა), გაყიდვა, გადაყიდვა, განმეორებითი გადაცემა ან მესამე მხარეებისთვის არ არის დაშვებული. იმ შემთხვევაში, თუკი შესაძლებელია მომსახურების ფარგლებში რაიმე მასალის გადმოწერა ან ბეჭდვა, მაშინ ასეთი მასალის გადმოწერა შესაძლებელია მხოლოდ ერთ აპარატზე (და შესაძლებელია წერილობით ფორმაში ბეჭდვა) და მხოლოდ თქვენი პერსონალური, არაკომერციული მიზნით გამოყენებისთვის.
პლატფორმის პასუხისმგებლობის შეზღუდვა
- აიმარტის არ იძლევა გარანტიას, რომ პლატფორმა იქნება მუდმივად ხელმისაწვდომი ან/და ყოველთვის იმუშავებს შეფერხების გარეშე, თუმცა, პასუხს აგებს პლატფორმის გაუმართაობით გამოწვეული ზიანისათვის, რომლითაც დაირღვა „მომხმარებლის უფლებების შესახებ“ საქართველოს კანონითა და „ელექტრონული კომერციის შესახებ“ საქართველოს კანონით გათვალისწინებული მომხმარებლის უფლებები.
დავა/კანონმდებლობა
- მომხმარებელსა და აიმარტს შორის ურთიერთობა რეგულირდება საქართველოს კანონმდებლობის შესაბამისად.
- პრეტენზიის არსებობის შემთხვევაში მომხმარებელი უფლებამოსილია მიმართოს აიმარტს წერილობით შემდეგ ელექტორნული ფოსტის მისამართზე info@imart.ge, წერილის მიღებიდან 14 (თოთხმეტი) კალენდარული დღის ვადაში შპს ნანოტეკი განიხილავს მას და დაუბრუნდება მომხმარებელს უკუკავშირით.
- ნებისმიერი დავა გადაწყდება მოლაპარაკების გზით. იმ შემთხვევაში თუ მოლაპარაკება იქნება წარუმატებელი, მომხმარებელი უფლებამოსილია მიმართოს სსიპ - საქართველოს კონკურენციის და მომხმარებლის დაცვის სააგენტოს (დავის შინაარსის გათვალისწინებით) ან პირდაპირ სასამართლოს.
ცვლილებები/დამატებები
- წინამდებარე დოკუმენტი შესაძლოა შეიცვალოს ცალმხრივად, აიმარტის ინიციატივით ნებისმიერ დროს, რომლის შესახებაც ინფორმაცია დარეგისტრირებულ მომხმარებლებს ეცნობებათ გონივრული ვადით ადრე, პირად კაბინეტში სავალდებულოდ გასაცნობი შეტყობინების სახით, ელ ფოსტით ან სმს შეტყობინებით.